انا من الناس اللي كتير بحترم بلدي او مكان اقامتي على الاقل وما بتحمل اسمع حدا بحكي عنها كلمه رايحه وله جايه مهما كانت الاسباب و عندي انتماء قوي للوطن اقوى من ميه البلديه
وبما اني حاب اخفف روح العنصريه اللي عندي عجبتي فكرة الاعتراف بالهبل فضيله
فعندك هون 68 شغله بتعرفك انك بالاردن
1-كل واحد بتقابله بحكيلك انه اله ابن عم واصل بالحكومه
٢- كل مصعد كهربائي اله رائحه سامه
٣- كل واحد بتشوفه بشتكي
٤- معظم البنات شبه بعض
٥- معظم البنات بلبسوا زي بعض
٦- كل واحد بتشوفو بحكيلك انو ضيع فرصة شراء ارض فى عبدون قبل عشر سنين بخمسين دينار الدونم !!
٧- كل واحد بتشوفه بحكيلك انه جده اول واحد اشترى مرسيدس بالبلد
٨- كل واحد بتشوفه بحكيلك انه كان غني بزمناته
٩- ٩٠٪ قدموا او بدهم يقدموا على جرين كارد
١٠- كل الناس بتبحلق فيك بدون اي سبب محدد
١١- الشيك المؤجل صرفه لسنه يعتبر)كاش
١٢- ما حدا بعرف يحكي انجليزي صحيح بس بشكل او بأخر ما حدا برضى يحكي الا انجليزي
١٣- كل واحد عنده قريب عايش بشيكاغو
١٤- بين كل سياره وسياره بتشوف بي ام دبليو موديل ١٩٨٠ (زعره
١٥- حراس الديسكوات برحبوا فيك بكلمة(كوبلز……… بس
١٦- محلات المواد الغدائيه بتبيع مزيل عرق
١٧- بتشوف حادث سير كل كم كيلومت
١٩- كل واحد بحاول يحكي انجليزي بحكي كلمة (يعني) بعد كل كلمه
٢٠- الواسطه هي حل لكل مشاكلك
٢١- معظم اسماء العوائل بتنتهي ب(ات) او ب (هه) او ب (لى
٢٢- كل واحد بتشوفه بحكيلك انا مدير عام … بس مدير على شو الله اعلم
٢٤- اذا كنت رايح على امريكا… حط في بالك انه ١٠٠ واحد راح يتصل فيك عشان يبعت معك شنطه لقرابته
٢٥- بس تدخل مصلحه حكوميه بتتفاجأ انه الكل قرابة الكل
٢٦- الناس لما تحب توقف طابور… بتقدر تشوف الناس بس صعب تشوف الطابور
٢٧- في وسط البلد… كل واحد بمر جنبك راح يخلعك كتف لأنك لابس غير
٢٨- بكل زاويه بتلاقيلك خمس او ست اشخاص متجمعين
٢٨- بكل زاويه بتلاقيلك خمس او ست اشخاص متجمعين٢٩- البطاله ٦٠٪
٣٠- اذا سألت حدا من وين شاري هاللبسه…. راح يحكيلك : شارع مكه اعرف انو قصدو شارع الطلياني (الباله
٣١- الساعه سبعة الصبح بتشوف كل الناس ماشيه وحامله صحون حمص وفول والساعه سبعه مسا اكياس ورق فيها برضو فلافل
٣٢- بتشوف شبين بتطاوشوا على بنت على اساس انه صاحبتهم … بس البنت ما بتعرفهم الأتنين
٣٣- كل الناس بتطلع رحلات على الغور
٣٤- الشباب عاملين تاتوو على ذراعاتهم( غدار يا زمن) او ( بحبك يما
٣٥- على الاشاره الناس بتزمرلك قبل ما تصير الاشاره خضراء
٣٦- اعظم اختراع اردني: موس ابو سبع طقات
٣٧- اشهر انواع الادمان هي: شم التنر
٣٨- الزباله بتكون بره الحاويات… لانه الحاويات للبسس بس
٣٩- ازا رحت على مستشفى البشير.. راح تعرف شو يعني ( سلخانه
٤٠- ازا كنت بالخدمة العسكريه مسموحلك ب ٣٥ طلقه بالسنه … ازا حبيت اكتر بتشتري على حسابك
٤١- التحية المتداوله : أيش يا ابو الشباب
٤٢- ازا كانت الدنيا حر… بدل الغور بتروح على الساحه الهاشميه
٤٣- الشخص اللي يقوم بتفتيشك على بوابة المطار… بحكيلك: تراك حليوه
٤٤- لك حرية الاختيار بأن تطلب (تشيز برجر) بدون جبنة
٤٥_ معظم دخل التلفزيون الاردني من اعلانات مركز ضراغمه التجاري ( قومي معي هنيه … وين وين
٤٦- كل يوم هناك حوادث انفجارات لأسطوانات الغاز… السبب انه يتم فحص تهريب الغاز عن طريق الولاعه
٤٧- بتروح على صلاة الجمعة بكندره جديده …. وبتروح بزنوبه
٤٨- عشان تصدق شهادة عليك ان تقوم بجوله مكوكيه بحثا عن ١٠٠ توقيع وطابع بريد
٤٩- بتلف على كل محلات البلد عشان صرافة ١٠ دنانير و ما بتلاقي
٥٠- مطار عمان الدولي بسكر الساعه ١٠ ليلا
٥١- ازا كنت حابب تشوف حالك زمان كيف شكلك…. روح على التعبئه والتجنيد … عندهم كل صورك بالاضباره
٥٢- ازا بدك تخلص من مرتك… خليها تركب انبوبة الغاز فى البيت
٥٣- بتشوف كندره صغيره معلقه على كل سلك كهرباء
٥٤- كل مراكز التسوق : للعائلات فقط!!!!! وما فيها حدا الا العزاب
٥٥- القوات الخاصه الاردنيه (قوات الباديه) مسلحين بقنوات
٥٦- الشعب الاردني يعتقد ان حرس الباديه بتقدر على قوات المارينز الامريكيه
٥٧- الكل بدخن بس ماحدا بشتري دخان (شغل سلبطه
٥٨- تعريف النجاح بالأردن: هو ان تفوز على نسيبك بلعبة طرنيب
٥٩- داقق على سنانك: هو ان تفوز بلعية تريكس بعد ما تفوز بلعبة طرنيب
٦٠- من السهل ان تتنقل بالأردن دون مرشد سياحي لأنه لا يوجد طريق سريع الا عمان-العقبه
٦١- الخلوي يحمل بالجهه اليسرى من الوسط ليوازن الميداليه الموضوعه في الجهه اليمنى
٦٢- الشعب الاردني الشعب الوحيد اللي شاف صدام حسين على القمر بدون منظار
٦٣- الاردن الدوله العربيه الوحيده ….العطله الاسبوعيه: جمعه وسبت
٦٤- اذا الشباب حابه تشوف صبايا بروحوا على عمان الغربيه عشان يتفرجو على فتريانات المحلات كلها لعب بلاستك
٦٥- اذا زرت حدا… بسألك شو تشرب… وببعت الولد الصغير يشتريلك من الدكانه
66- اذا الواحد ضحك كتثر بيصير يقول “خير ان شاالله” وكـأنه الضحك كتير معناتها مصيبة عالطريق.
67- اذا شاف الاردني اجنبي..بيصير يبحلق فيه وبفلله من فوق لتحت.. واذا صحللو يحكي معاه ما بيقصر حتى لو طبّشلوا كم كلمة! الفضول بيقتله يعرف قصة حياته (اسمه وعمره وعنوانه).
68- اذا رحت زيارة عند حجات كبار- وكنت بتشتغل- اول سؤال بيسألوك اياه “قديش راتبك ؟”
عجبكو وهي ظحكتو الكتكوت علينا!!!:-(
looooooooolايش هادا يا ابو الشباب والله عنجد ايشي بيبكي ما بيضحك واذا كبرت مصيبتك اضحكلها امن صراحه خفة دم ولاا عمري شفت زيها يايايا خفيف الدممممم
ولك عيوووووون مش قلتلك حطي الاسم مشان اعرف الله يهبلك بس لما ترجعي على دي ون جي بدي تردي تجربي الشات بوكس
وشلوم بسيدر ونعم الوكيل xD
مرحبا
انا شامي , بصير اعلق هون ؟
لووووووول
مرحبا .. والله انته الي طقع .. شو هاي المسج الي طلعتلي بالأول .. بدي أعمل وحده عندي وأحط فيها: قلة هلا 🙂
qabbani:وانا كمان اصلي شامي مش تحكي لحدا بدبحونا الاردنيه بعدين من وين من الشام انت؟؟؟
bos6ar:بدك بعطيك الطريقه بس ما بزور صفحتك بعدين بلاش تصيبني قلة الهلا
انا يقول حط مسج توديع واكتب فيه يالله بسطر من هوون
بليز يعني اتس يعني شو بدي احكي اتس فيري نايس ثنج حبيبي يعني انك تكون هالئد صريح وتسبيك عن يور بيبل لايك ذس، وانت يا برذري مش ناوي تجيبها البر وحياك الله في بيت يور انتي اني تايم يو وانت
وراجع راجع يتعمر راجع لبنان
شو دخل لبنان في الموضوع
المهم باختصار يا حبيبي لحق حالك ولاقيلك وطن تعيش فيه لانو وطنك الغالي وانت اكيد بتعرف اكثر مني عمالو بنباع بالشوالات
ثنك يو بنك مصر
اه انا بقول هيك كمان يرحم ايام الغبرة لما كانو يرفعو سيارة نقل الموتى ويبيعو الحبه بشلن
بس ما قلتلي الفيل المربوط بالحارة لمين
والله هلا وميييييييت هلا يا دارك وانت بخير
واقم الصلاة
والله انا سئلت من باب العنصرية مو اكتر
شامي , من وين بدي كون , من حلب يعني هاهاه
دمشق – حارة صغيرة هنيك بسموها الشاغور , اريبة من باب صغير و حارة اليهود , يتإدر توصلها من اخر سوق مدحت باشا , من جهة باب الجابية
او من البزورية
فرصة سعيدة تعرفا على موقعك ,
اهلين فيك حبيب قلبي انا اصلي اصلي مش مزيف
قصدي اصلي من منطقه اسمها الميدان عمري ما زرتها بس هيك ابوي حكالي
اما هلأ انا اردني وافتخر وبشده
بس ليش الحلبيه بصنعو صابون كتير؟؟
شكلك فلسطيني تم المشاهدة والتعديل