لو مثلا لا سمح الله كان في صورايخ فوق راسنا وعلى كل سطح بيت في قناص وسيارات مفجره وناس مقتله بالشارع
بقول يالله يا ولد الناس خايفه على حياتها وقاعده بالملاجئ على ضو الشمعه وبتدابل بولادها مشان تنام
يعني انا على حد علمي طلعت على مقهى النت والشارع ماشاء الله مرشوم شباب من اوله لأخره وبس رديت نزلت ملقيتش ولا بني ادم ولا صوت ولااا نفس؟
!
يا لطيف يا رب!
وانا بطريقي على الدكانه بقول ولك لتكون صارت معك يا مسخم؟ معقوله ؟ لا لا مستحيل
وكل بالي وفكري مشغولين بفلم رعب مش حافظ اسمو والي بتكون قصتو انو شب كان نايم بالمستشفى وبس صحي ونزل على الشارع ملقاش ولا بني ادم بالشارع وبالنهايه بيكتشف انو الناس صابها فايروس وقتلهم كلهم وحولهم لزومبيات .
الشارع هدوء وكل ربع ساعه يمكن لتمر سياره والسكوت لا يوصف
.
رحت على الدكانه لقيتو مسكر على بكير والمحلات الي جبنو برضو نفس الشي قلت بيني وبين حالي ايوااااه الزومبيات فاتو على صحاب المحلات وقتلوهم وسكرو الغلق عليهم مشان محدش يشوف ,هاا اما قصه غريبه
اخر شي قررت اسحب حالي على “قهوة اشعب” يعني الزلمه 24 ساعه فاتح ولو انو قناة ام بي سي بتسكر هو بسكر .
ضليتني ماشي وانا مستغرب ومليون علامة سؤال فوق راسي اي وين الناس شو صاير بالدنيا!؟؟
وصلت القهوة,لقيت المحل مضوي بس فش حواليه ولاا خلقة شب ضليتني ماشي واتقدم بخطوات متردده مديت ايدي على محفظتي وطولت 3 دنانير وانا بقول بيني وبين حالي كاسة قهوة وبكيت دخان وبطاقة زين ام الدينار وركااااض على البيت .
قربت اكثر واكثر وحنفية الادرنالين بلشت تصب بكميه وحدتها تقاس بالسطل.
وأول ما وصلت باب القهوة سمعت صوت جماعي بقول “لاااااااااااااااااا” طبعا قلبي صار بحلقي انو لو بعطس بشوف قلبي على الارض.
ولما فتت فاجأني عدد الشباب الموجودين بالمحل مع انو المحل بسعش 6 بسس على بعضهم ,ولاحظت انهم كلهم بتطلعو قاعدين على زاوية المحل, ولما تطلعت على الزاويه لقيت تلفزيون ولما امعنت النظر أكثر لاحظت انو التلفزيون ابو العشربن بوصه عم يعرض مباراة والله اعلم انو لفريقين اقوياء وعالميين.
بقول لصاحب المحل اهااا مباراة؟! طبعا ولا عبرني مد ايدو وبدو يوخد التلات دنانير وهو عم يتطلع على التلفزيون
اعطيتو اياهم وحكيتلو بالله كاسة قهوة وسط غلي وبكيت ونستون ابيض وبطاقة زين ام الدينار
طبعا الزلمه حط التلات دنانير بجيبتو ومد ايدو بدون ما يطلع على كاسات القهوة وصبلي كاسة واعطاني اياها
رديت قلتلو عمي انا قلتلك بدي اياها غلي مش صب
مردش الزلمه وضلو صافن بالشاشه
قلتلو عمي انت معي؟
دار وجهو عن التلفزويون وصار يتطلع فيي زي كانو بدو يوكلني من القهر وقلي كم اعطيتيني
قلتلو عشره هههههه
قام وسوالي قهوة غلي وطال من جيبتو باقي العشره واعطاني اياهم
طبعا صرت اتطلع عليه وانا مستغرب وقلت معقول لهدرجه الزلمه مطشش؟!
يا عمي يا حبيبي اعطيتك 3 دنانير وبدي كذا كذا كذا وبطلوع الروح لحتى فهم علي ومشاني.
رحت رجعت على النت وكمشة علامات الاستفهام الي على راسي زادو تقريبا 30 حبه وكل عشر حبات معهم علامة تعجب.
بصراحه الوضع جدا غريب مو معقول شو عامله المباريات بالعالم ,الناس تركت مصالحها واشغالها مشان يحضرو مباراة مش نايبهم منها غير شد الاعصاب والتوتر.
فانا بخيالي قلت الناس تحولت لزومبيات ,وفعلا الناس تحولت لزوبيات , بطلت تفكر باشي غير هالجلده المدحبره المنفوخه شوية هو؟ا, وابصر عاد شو يصير بالناس لما يبلش كأس العالم , يا حبيبي والله خايف المستشفيات والمؤسسات الحكوميه تسكر كمان.
معقوله راح تصير؟
………………………………………………………………………………………………………..
القصه صحيحه ماعادا الزومبيات والخيالات الهبله الي حكيت عنها
فعلا يا أنس يؤسفني وجود ناس حاطين عقلهم بشقفة طابة بتتدحرج بين الكنادر،
لا هي رياضة ولا هي تسلية ولا كوميديا ولا أكشن ولا أي شي .. مجرد تفاهات،
واللي بيحكي هي رياضة يقوم يلعب بنفسه .. أما الجلوس على التلفاز والتسمر ببلاهة مو اسمو رياضة ، نقاشات متخلفة وتعصب غبي واهتمامات تافهة
تخيل مرة كنت بسمع شبين بيتناقشوا وواحد بيحكي للتاني: نحن لعبنا على أرضكم وغلبناكم!!! وكأنو حضرتو مدرب الفريق أو بيلعب معهم
وأنا كمان امبارح وقت المباراة طلعت اشتري اغراض وكانت الشوارع فاضية بشكل ملحوظ .. فرصة مناسبة الواحد يتمشى بهدوء
^^
hehehe ,,,
u made me laugh like hell !!!!!!!!!!
jd msh ma32ool .. enno el nas msh ma32ooleen keef nhawaso !
w 5od 3endak masayeb el jam3at o masayeb el nas barrat hal balad o 7atta b hal balad nafso !
ay walla zombyat 5sara 3ala hal nas la tet7awwal 7atta !! 😛
i liked this post 3njad ! 🙂
فعلا فعلا قمه التفاهخ بصراحه وسدق الي قال ليش بيتهاوشو على الكوره ما كل واحد يشتري وحده ويلعب على باب بيته هههههههههه ناس فارطه وما وراها شغله ولا عمله الله يعينهم.. يعني مبارح اخوي روح ع البيت ع الساعه 1 ولا سلم ولا كلم فات على غرفه وقاللنا وطوو صوت التلفزيوون وكان معصب لانه ريل خسرت هههههه بحزنووو والله كأنو ناقص هالامه هبايل وناس فارطه 😡
متألق كالعاده انوووس مشكووور
الكرة رياضة حلوة وكل انواع الرياضة حلوة بتعطي الجسم راحة ونفسية رائعة بس احنا كل شي بنعملو اكبر من حجمه مين ريل مدريد مين مانسيشتر يونايتد مين هدول اعدائنا قتلو ابنائنا وشيابنا هما بيلعبو كرة بس شكلهم بيلعبو فينا
نا مش عارف مباراة باسبانيا اخر الدنيا احنا شو دخل اهلنا
والله شغلى بتقهر طز ببرشولنة وطز بالريال , شو طايلنا منهم
مشكور يا انس فشيت غلي 😀
ايميل يجعلك من اصحاب الملايين
بقلم الدكتور محسن الصفار
جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي.
لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله:
– هل هنك من مخاطر في هذه العملية؟
جاء الرد بسرعة:
– لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية .
ردّ سعيد على الرسالة:
– هل من مصاريف يجب أن أدفعها؟
جاءه الرد:
– لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين.
من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو……
وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد….
باقى القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى:
http://www.ouregypt.us/Bsafar/main.html
من آداب الحياة
لا تسخر من الآخرين وأحلامهم الوردية الجميلة
خاصة من تعتقد أنهم اقل منك من البسطاء الطيبين
فربما تكون منزلة خادمتك عند الله اسمى وارفع منك ومن كثير من علياء القوم
وقد تحظى بشفاعتهم يوم القيامة
ولا تقلل من شأن الأحلام
فالدنيا بدونها رحلة جافة ومملة مهما يكن الواقع جميل
طب ليه اختفت الناس