طبعا طبعا بعرف انه رمضان صرله زمان مبلش حتى يمكن بلش العيد وانا لساتني ما قلت كل عام وانتو بخير بس والله معذور يعني انشغلت بقصه الله اعلم فيها وصرت أفوت صدف ,اللي عم يسير اني بروح من شغلي شايف الديك ارنب هاد اذا انا شايف من الأصل بعدين بروح بعطيها نوم شديد لقبل الاذان بساعه طبعا بهالاثناء بتكون اكتملت صورة الارنب وبس يأذن بيرجع الديك لوضعه الطبيعي ويا دوب بلحق اقول الحمد لله الا هو أخوي قاعد على الجهاز وبما انه رمضان شهر الفتوحات فأنا لازمني جيش مشان استعيد مقعدي على الكمبيوتر وهاد الاشي مش عندي وما بقول غير سلمها لربك
كمان بدي اقول عن شغله بتقهرني كثير..اني صرت اشوف شباب كل واحد فيهم قد الحيط رايح على زاويه وماسك السيجاره وبعفط فيها بعز دين النهار ولا كأنه الدنيا رمضان ولا كأنه في رب راح يحرقه ويخليه يتندم على اللي بسويه, بالمقابل أخوي الصغير بصوم يوم كامل وبيعرف منه ومن حاله ان صيام رمضان فرض علينا ولازم نقدر حرمته طبعا بغض النظر عن انه يوميا هو كمان بشاركني بمسلسل الديك والأرنب ,بس بكفي انه عمل اشي ما قدرو عليه شباب كل واحد فيهم لو مال على حيط …لضل الحيط محله !! يعني بالعقل في حدا بميل على حيط وبهده؟! لأ بس انه الواحد فيهم عنده قدره على الصيام وعنده كمان قدره على التحمل والصبر على عكس الاطفال الصغار
على كلن كل عام وانا وابوي وامي واخواني وجيراني واصحابي واحبابي وشيخ الجامع والشباب بالهاشمي والاخوان بالعراق والجزائر والسودان والصين وماليزيا وجزر الكناري وشباب الحاره والعالم كله بألف خير وينعاد علينا بالصحه والعافيه, وبعد كمن يوم ان شاء الله راح انزل صور لأشغال يدويه عملتهم أمي مشان رمضان ..بس بستنى بواحد يكون شايف الديك ديك ويفضي حاله ويصورلي اياهم
للمره المليون كل عام وانتو بخير 🙂
أخي الصائم ردد من بعدي
أما اذا شفت هذا المخلوق الغريب في نهار رمضان فأنا انصحك تروح ترتاح ولا تحكي مع حدا لأنك اذا حكيت تأكد انه صيامك راح يكون على الفاضي
كل رمضان وانت بالف خير
شو بدك تعمل الدنيا شوب ….و كلّه باجره ان شاء الله 🙂
بالنسبه للشباب الرجال…الزلام..الشجعان اللي بدخنو
روح ربنا …ويلا بلاش
بكره بكبرو و بفهمو غلطتهم و بندمو عليها
الله يهدينا و يهديهم يا رب
كل عام وانتو بالف خير
كل رمضان وانت لله أقرب
والله يعطيك العافية , افتقدناك , فكرناك زهقت منا , بس فعلا الغايب عذرو معو
كل سنة والامة الاسلامية بألف خير ان شاء الله
ورمضان كريم
اليوم جمعة وعطلة، أعتقد انه الديك ديك والأرنب أرنب 🙂
كل سنه وانت بخير
الصورة حلوة هي اخوك منيح مخليك تقعد وتكتب البوست
لا احكي احكي فضفضي وحلي فيهم ما عليكي برضو كلو بأجره
😛
ولأ قال بكرا بيكبرو هو متى بيكبرو؟
منقول الله لا يكبرهم وانتي بألف خير
🙂
يزلمه والله انتو ما بينزهق منكم ولاو معلم أحمد أنيسي الوحيد انتو يعني شفت انوسيات قديش كثار؟ لسه انتو بتأنسو اكثر منهم
😀
ان شاء الله بعد العيد ان الله احيانا برجع بكمن شغله جديده
وكل عام وانت لله اقرب 🙂
يا أخي يااا رييت الجمعه قدرت لسه كان يوم معجوق على الاخر هاد عملنالك عزيمه للقرايب وعندك بجوز 300 مليون طفل زي الصراصير في البيت حتى التبويس اختصرت تلت رباعه أكلت هوى انا هاد غير اني ما أكلت الا قبل التراويح بشوي
ووقتها كان الأرنب معو بحدود 300 ارنب زيو والديك مبينش بهداك اليوم
وكل عام وانت بألف خير وينعاد عليك بالطاعه والصحه والعافيه
🙂
سوزان وانتي بألف خير
يومها كان بدي جاهه مشان يعطيني الجهاز بس بدي اصير اكتب التهاني والتبريكات قبل المناسبه بكم يوم هيك بلكي قدرت اسلم على الأقل 🙂
ولسه في زيارات بس ..مم
ولا خلص بلاش اضل أكذب صرلي مليون سنه بقول بدي أمر بس على الفاضي 😛
خليها لما تروق الامور شوي
وكل عام وانتي بخير كماااااااان مره
🙂
منتديات جذاب
http://www.jzaab.com/vb
أضحك الله سنك..اخي..
رمضان كــــريم..اعاده الله علينا وعليكم بالخير واليمن والبركات..
جديد..
فيديو كليب لا تنسى ابداً ذكر الله للنجمين محمد بشار وديمة بشار
http://www.jzaab.com/videos-action-show-id-477.htm
سلااااااام كيفك مستر انووس كمبيوتري اله 15 يوم شايف الارنب ديك لذلك مصر انه يضل مرتاااااااااح ههههههههههه وانا مش رح اقدر اعلق على الموضوع لاني شايفه الكمبيوتر ساندوش هههههههههههههههه
موضووووع حلووو كالعاده يعطيك العافيه
الصوووورة واااضح فوتوشوب اما انو يطلع كذا كائن فالوسسط لاهو ديك ولا ارنب بعدين الارنب ذيلو مو كذا هذا سسنجااب سنجاااب يالشااطرة يعدييين وااااظح واااظح الفوتوشوب يعني لاتظحكيين عليينا