باعتبار مشطووب
واخيرا اخدت الرخصه..يعني هلأ ولا طرطور على راسو خازوق إلو عندي
بسوق وين ما بدي وكيف ما بدي واذا بدو يوقفني يا سيدي ما عندي مشكله رخصتي هيها معي بحطها بعينك وانت لفلي بوليس مان
وشكر للي شجعوني واللي يأسوني بنفس الوقت وشكر لكل
واحد هنئني وتمنالي اللي اعلى منها
ابوي : مبارك يابا وعقبال ما تقطع رخصه لاستخدام عقلك بالتفكير
امي: لااااااا والله بتحكي جد؟؟ ريتو الف مبروك انشالله …هيك فرحتني
اخوي الكبير: مبروك وله
اخوي الزغير: خدنا مشوار
عمي: هيك عملتها ولك؟؟ كيف بحكو عنك ما بتفهم؟
الشغيل #1 :فش مبروك قبل الحلوان
الشغيل# 2: اسمع شو صار معي لما رحت اقدم للعمومي (سلافه طرمه) بعديها مبروك
الشغيل #3: ما بسدق غير ما اشوفها
!! اسامه مندوب شركة الزنبقه : ليش انت طبقت ال 18؟؟
المحاسب: مبروك يا معلم صار لازمك زيادة راتب
خالد صاحب كشك القهوة : ولك انوووس هاد من ورا كاسة النسكافيه تبع كل يوم الصبح
سامي صاحب الدكانه: مبروك..بتمنالك سواقه خاليه من دعس الاطفال
ابن عمي : يعمي بكفي اخدتها قبلك مع هيك مبروك
عمي ابو حسن: شايف العنبتاوي؟؟ يالله ركاض عليه
والباقي اكتفو يحكولي مبروك وعقبال الاعلى منها
وبصراحه اللجنه اللي كانت معي بالفحص كانو جدا متعاونين وهاديين اعصاب وهاد اشي ساعدني 60 بالميه
فشكرا الهم كمان وزي ما وعدناكم هي الحلوان
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
!! بس انا شايف ولا حدا عجبو الحلوان؟؟
شو هو انا كاين بدي اخطب؟
والله لو بدي اعملها ما بحلي زي هيك.. حتى تحارجت انا والشباب يوم عرسي اطلع ببجامه على اللوج وخود حكي عاد بس انا بهيك مواقف قدها , من هون لوقتها الله بفرجها هلأ خليني اخلص واعطي كل واحد حلوانه اللي طلبو
اولا عمو دارك
هه بس والله حيرتي يزلمه طلبك جدا صعب فانا مش حاب ازعلك وتكرم عيونك احلى قزازة فانتا مشان تكسرها مع
ja33aالـبس لا تصدمني وتحكيلي بتشربها ســـــك
اما مياسي مش صحبه مع الكنافه وانا نفس الشي غير الكل يوم ما اخدتها كلهم اكلو كنافه وانا واقف زي الابصر شو
المهم ضليتني افكر افكر شو بدنا نحليها شووووو؟
ما لقيت غير احلى ستاند فستق من ابو النص ليره عند تبع الدكانه والحلو بالموضوع اسم الفستق مـــياسي
بعدو تازة تصوير اليوم 🙂
طيب بلال سان كمان ما بدو كنافه وقطايف بس ريحني وطلب الحلوان كلها اربع احرف على جوجل الصور والحلوان صار
جاهز 🙂
السوشي جاهز يا بلال تفضل مد ايدك
اذا ما بتحب الملفوف اتركلي الحبه بالصحن 🙂
ونوسا كمااان ما عجبها الحلوان 🙁 شو بدي اسوي يا ربيييييييييي
طيب احلى حبة شكلا(طــ)ــه ومعها كابتشينو من تبع الرغوة بس ما قدرت اجيبلك فيروز عادي؟؟
بعرفش عاد هاد كبتشينو وله كاكاو المهم شي طيب بفتح صماصيم المخ على الصبح
ايوااااااه هلأ اجينا لبراء طيب شبس وشكلاطه و3 سندويشات شورما
نيجي نحسبها …السندويشه الوحده هلأ صار حقها 80 قرش يعني 3 سندويشات بــ كم كم كم ؟؟؟
كتير فقلت بختصر على حالي وبجيب وجبه مرتبه بتسطح 3 اشخاص بدل 3 سندويشات ما بشبعو بستنا ام حابس
وهيك وفرت على حالي رفع تلات صور
اما بالنسبه للأشي الزاكي زبطي وضعك مع نوسا ومياسي وخليهم يعطوكي
هايي الوجبه صورتها تقريبا من اسبوعين فخفت عليها تخرب حرام يعني هيك ..رحت اكلتها 🙂
يعني تخرب احسن؟؟؟؟
شف شف شو مليانه بطاطا يبييييييييييييييي كل هاد انا اكلتو يالله حظي انا
وهي كرتونة كتشب بورشن من اللي بحطوه مع وجبة الشورما, هيك انا زبطت موقفي
والله انو تصوير اليوم والله 🙂
PUBLISH POST X-D
ja33aالـ
ههههههههههههههههه
والله تحشيش يا انوس
لكن ما يهمك حد
الف مبروووووووووووووك
اهم شيئ تدير بالك وتركز بس هيك
وعلى فكرة
عجبتني هاي
سامي صاحب الدكانه: مبروك..بتمنالك سواقه خاليه من دعس الاطفال
خخخخخخخ
mabroooooook, 3oqbal roset qeyadet el7asoob eldawleyah, o re5set sha7in o ashoofak a7san mn koll elshofereyeh lehnoud elli bel emarat, ba3den hada el7alawan bted7ak feeh 3ala eltyous, ana beddi soret 3elbet ja33a m3 el7alawan
der balak alsor3a momte3a jeddan
darkrain
Mabrook ! ;D
Need 4 speed 3ala al 6oro8at ! haha
deer balak bas lama yeje 3balak tesr3 ma ta5od a5ok el z3’er hadol fassadeeeeeeennnn … es2lni ana !
Baba kanat mashya 80 , baba tjawazat 3an ma b3raf sho..
All the best !
ييي ألف مبرووووووووووك
أخيرا عملتها و خدت الرخصه؟؟
الصراحه ردود الأفعال أكتر شي عجبني شو هاد عامل استفتاء؟؟
أنا ما بحب الكنافه؛ دبر حالك بشي تاني 🙂
وأني من عندي بقول … شكلك ما أخدتها إلا بالواسطه …. ومعا بتعرف ألكلاتش من مفتاح الغاز
وبكرة أول طرطور على راسه خازوق بلاقيك بمزعك مخالفه على حزام الأمان أو إستعمال التلفن وبتصير إثزله ذنب … يا سيدي ويا سيدي مشان يلغيها … وقول ما قال
مبروووووك
بتستاهل عمومي السيارات بدون فحص كمان … أنا متأكد انك بتسوق أحسن من مدير دائره الترخيص
おめでよう
يعني مبروك بالياباني
لازم تحلينا سوشي
:p
من كل عقلك بدك تضحك علينا بهالحلوان
غير دونات وكابتشينو من ستارزبوكس ما بنقبل
يييي ولك مبروك أنوووس
والله يا عمي عملت اشي انا بحياتي ما رح اعمله
اها … مزبوط ما رح اسوق طول حياتي طبعا غير انو اخوي بضل يقول
ما عنا بنات يسوقن
😛
مبروووووك مبروك الف الف مبروك عقبال السيارة انشاء الله
محمد ارشيد
يسلموووووووووووو عزيزي والف الف شكر الك بس انساك من قصة التركيز هاي:P
سامي صاحب الدكانه شب تحشيش من العيار التقيل هههه بموت عليه لما اقعد معو
شكرا الك كمان مره 🙂
عمو دار:
بتعرف شو
انا تمرمطت وعفت التنكه على رخصة الخصوصي لسه بدي رخصه حاسوب وفيله وهنود لا عمو انساك
بتعرف شو كمان
انا بكيف على عقلاتك
ja33a وسرعه
ههههههههههههه
كابير كابير عمو دارك
الك مني احلى تحديث
صبرك علي بس اجي بكره من الشغل 😛
lost:
27kelk srr??
2na b5af mn elsor3a 😛
w 25oy hwe b7kele shd shd…
baba kan mashi 3la sho sho sho???
loooooooooooool rkzy shoy sho malna??
w ween 2le bdo y7kele 3n gst jdo wel shafa??? 😛
allah ybark feeke w 3ogbal 3ndk 🙂
messso:
اه عملتها والله عملتها بدي حدا يقرصني ويصحيني او افوتلي بشي حيط او سور او ادعس ولد واقضي حياتي ورى قضبان الجويده 😛
وااااااااال فال الله ولا فالي
بس المهم جبتها
انا سووبر انووس انا
ولسه ردات الفعل هاي ولا اشي مش حافظهم كلهم اذا حفظت كمان بنزلهم بالتحديث اللي جاي
الله يبارك فيكي وعقبال العمومي عندك
مشان تشتغلي على تكسسي بوقت الفراغ 😛
امجد
ههههههههههههههههههههههه
الله يمسخ عدوينك يزلمه
مش عارف شو احكي
ههههههههههههه
بس والله ما جبتها بواسطه عارف؟؟؟
المره اللي قبلها حاولت اجيب واسطه وسقت تمام بس لولا اني طلعت من مدخل الترخيص يعني عكس السير ولولا اني اخدت الاولويه من ختيارة كانت جوات الدوار كان نجحت
هو رسبني على كلمه
مشان حكيتلو الاولويه تأخذ ولا تعطى
وبعدين فشرت عين ازلم طرطور احكيلو سيدي
سيدي وسيدو الله
هين قرشك ولا تهين نفسك
مفشر!!!
وشكرا لانك ما طلبت مني حلوان غير الموجود هيك انت ريحتني
وبعدين مين حكالك مدير الترخيص بسوق؟؟
هههههههههه
هاظا مدير يا خال
ما يزمه غير الشفير
الله يبارك فيك وعقبال جميع المركبات الفضائيه 🙂
bira ru:
الله يبارك فيك
ومن عيوني احلى سوشي بس برضو على التحديث الجاي
انا هلأ تعسان وشايف رخصتي هويه صبرك صبرك
كيف الله يبارك فيك بتنكتب بالياباني؟
نوسا:
والله وحياتك لانزلك احلى حلوان
مهو اصلاتن التحديث الجاي كلو مشانك 😛
ومش بس دونت وجالاكسي ونسكافيه وفيروز كمان
هاد واحد رايق رايح على دوامه الصبح
وبرضو لا تزعلي اصلا البنات مش كويس يسوقو مشنهم بخافو
اي انا بخاف يعني لشو الحكي؟؟
الله يبارك فيكي وعقبال ما الله يلين مخاتو لاخوكي وتطلعي رخصه كمان 🙂
qutaiba:
اهلا اهلا كيف انت وشو اخبارك؟؟
والله منور
الله يسعدك ويبارك فيك ويخليك
حاس حالي بدعي زي الشحاده 😛
شكرا يا صديقي
مرورك اسعدني 🙂
إذا بدك تكتبها حرفيا متل ما بنكتبها بالإنجليزي
ALLAH ybaarek feek
فبتصير
アッラー ユバーレク フィーク
بس طبعا ما حدا حيفهمها ولا حتى أنا
:p
أما من ناحية القواعد لما حدا يحكي مبروك بيرد التاني عليه : شكراً
ありがとう = شكراً
واجب : اكتب كلمة شكراً بالياباني عشر مرات عالدفتر
:p
يا سيدي مبروك وتتهنى وتسوق ان شاء الله شو ما تسوق انا بدي تلات سندويشات شورما ومعاهم شبس وشكلاتة وكنافة واشياء زاكية .. ما دخلني ما دخلني 🙂
الـــــــــــــف مبروك الرخصة بتستاهلها المفروض من زمان صرت شوفير وعلى ال 100 طاير ..
بس لا تنسى الطلبات الي فوق ترا ما بسامح انا 🙂
بعدين تعال لهون .. انا ليه مو زاكرني؟؟ مش انا استفزيتك عشان تاخدها ؟؟ ولا اه ه ه ه اخدتها خلص 🙂
:: واحد مشمر بدو يطاوش ::
شو يا عمي تعا لهون
في تحديثات سمعنا…
شِكرا أنوووس,اكيد مش اسمك انس
لازم تكون مزوق
لا هيك ما بقدر
كرمك طرمني طرم
اذا هيك على الرخصة … ايش بدك تحلينا لما تشتري السيارة
يلاا ادعوله يا اخوان الله يرزقة السيارة الصالحة
::خجلتني::=فيروز+جالكسي+نسكافيه
هيك بكرا بروح عالجامعه بأحلى روح
يللا اكيد هلا بتكون طالع بالسيارة
نيالك:( مش متلي
مبروك …مبروك ومنها للاعلى
بس جد هاي الحوارات كلها بتزكرني بحالي واهلي على العموم مبروووووووووووك وسوق على مهلك
bira ru : ههههههههههه يزلمه والله انك مبدع جد ماشاء الله عليك
بتعرف الخط الياباني عامل زي كأنو الاحرف العربيه بتلعب مصارعه مع الانجليزيه
هي حليت الواجب 😛
شكرا بالياباني
شكرا بالياباني
شكرا بالياباني
شكرا بالياباني
شكرا بالياباني
شكرا بالياباني
شكرا بالياباني
شكرا بالياباني
شكرا بالياباني
شكرا بالياباني
وهي حلوانك صار جاهز 🙂
براااااااااااءهههههههههههههه
لشو كل هاد؟؟ ملاحزة انك الوحيده اللي طالبه اكتر من حلوان؟؟
عاد هي الموجود 😛
سلكي حالك
والله يبارك فيكي وعقبال عندك
او احكيلك؟؟
بلاش عقبال عندك
احسن ما يرتفع عدد الوفيات بالاردن اثر الدعس
او بمنعو الشورما من البلد لانو في ناس بتحبها لحد بطلت تشوف الظو
شو رأيك شورما ولا رخصه؟؟
🙂 الله يبارك فيكي وهي حلوانك جاهز
وجد جد عقبال عندك
نوسا: هههههههههههههههههههيي
يي يعني عم ببكي مش عم اضحك؟؟
هو كمان بدكو حلوان على السياره؟
هو شوفي اذا بدك تستني الحلوان تبع السيارة ترحمي على اموات المسلمين واحد واحد ولما تخلصي احتمال اكون جمعت نص حقها 🙁
وو سورري ما قدرت اجيب فيروز قال عندها مهرجان بالاردن
صح صح نسيت شغله
هههههههههههههههههههههههه
طرمك طرم؟؟؟ هههه من وين هالملافظ هاي
نيالي اني عايش 🙁
سوزان:
بتعرفي لو تأخرتي شوي؟؟ كان لحقك التحديث وطلبتي حلوان ونزل فورا منا هيك هيك جايب
لانك علقتي وانا بزبط بالحلوان
يالله معلش خيرها بغيرها
واسمعي مني بدكيش هالحوارات ولا بدك تسمعيها
احسن احسن
خليكي هناك كلمة التحفيز على قد الانجاز 😛
هون كلها نفاق ومصالح
الله يبارك فيكي يا رب 🙂
يا نذل …
تصوير اليوم؟؟
انت عارف انا شو ححكي فأحسنلي ما افتح تمي واحكي من اصل ..
ياويلك مني …
انا حكيت بدي 3 سندويشات انا ما بحب الصحن العربي ولك انس .. انا عارفة خطتك بدك تحكيلي انك كريم بالاخير تاكلها انت لاني ما باكلها ..
وخسارة فيي ولك؟؟؟؟؟؟؟؟؟؟؟؟؟؟
:: واحد بشحد على باب مسجد ::
طرم:اي مليان
اي انه كثييير …اي زائد عن الحاجة 🙂
بعمرك ما سمعت حا بقول
طرم الكاس طرم!!!>>>اي عبأه فوق الحاجه فانسكب العصير منه
😛
ط(بالفتح)
ر(بالضم)
م(سكون)
ما شاء الله حليت الواجب كامل .. 10 من 10
:p
يسلمو كتير عالحلوان .. وإن شاء الله بعرسك بتحلينا سوشي عنجد بدل الكيك
:p
لاه لاه يا أنس طيب وانا مش عاجبني الحلوان كمان بدي شاورماااااااا
شايف اما انا لئيمه بس شو بدك تعمل عايشه بقحط هووووووووون
براء وحدوووووووووووه
خلص خلص شو بدك 3 سندويشات خلص اعتبريهم تلات
ابيييييييييييه
:: واحد متخبي ::
ولك نوسا ليكون قصدك طمر يعني زي حطو بالقبر وطمرو طرم؟؟
ههه كلمه حلوة ضفتها للقاموس
bira ru : انا الفتى النظيف مرتب لطيف اقوم بالصباح اسعى الى الفلاح اغسل الرجلين بس الخ
هههههه الله يبارك فيك وعقبالك العرس والرخصه اذا معكش
سوزااااااااان: هههههههه يا حرام يا حرام خلص اتقاسمي الوجبه بسمحلك عاد انا بعرف هناك في ناس بسوو منسف احسن من عنا
هيك ابن عمي بحكيلي
الك مني حلوان تاني ولا يهمك
يسلمووووو
الله يكبر واجبك اكتر واكتر انوووس
بس الصراحة حلواني عاجبني اكتر شي
مبين شي فاخر عالآخر
الله يكثر مناسباتك منشان تضل تحلينا
🙂
🙂
مبسوط انو عجبك 🙂
ولا يهمك عند اول مناسبة عزا عنا بالعيله كمان في حلوان محرز
بس مو مثل ما هو عندكم كل شي اله طعمه …
هلا هيك اتقاسم وجبه خربانه طيب يا انوس فشي الك هديه لما آجي على الاردن وحده بوحده
لاااااااااا سوزان والله الوجبه هاي من احسن مطعم بالاردن
ههههههه مش بالارد الاردن
بعمان يعني
خلص اعتبري الوجبه الك لحالك
شو بدك تجيبيلي معك هديه؟؟ 😛
100000000000000000000000000
مبرووووووووووووووووووووووووك
وعقبال العمومي
ألف مبروك يا سيدي , وعقبال الجيزة يا رب
ولا تنسى حزام الأمان
حلوان رخصتي كلفني أكثر من تكاليف الدروس والامتحانات وانت جاي تضحك علينا بشوية صور
وانا ما بقبل إلا انك تحط امسي مع المهنئين بالتدوينة … زي هيك
أحمد عبيدات : بالله عليك اخذتها بواسطة ولا بشطارتك
w ana sho 7alawaniiiiiiii??? 😉